Rusiyanın Krasnodar diyarındakı İlski neft emalı zavodunun ərazisində bu həftə ikinci dəfə pilotsuz uçuş aparatının hücumu nəticəsində yanğın baş verib.

APA-nın Rusiya bürosu xəbər verir ki, bu barədə TASS-a fövqəladə hallar xidmətindən bildirilib.

"Dron İlski neft emalı zavodunun ərazisinə hücum edib, nəticədə 60 kvadratmetr sahədə yanğın baş verib. Hazırda açıq yanma aradan qaldırılıb", - deyə məlumatda qeyd olunub.

Fövqəladə Hallar Nazirliyinin Krasnodar diyarı üzrə Baş İdarəsindən yanğının söndürüldüyü və fövqəladə hadisə nəticəsində insan tələfatının olmadığı bildirilib.